Saturday, May 29, 2010

அலுவலக பாவனைக்கென உருவாக்கப்பட்டுள்ள இலவச Portable Application


கணணி மற்றும் இணைய உலகில் பல்வேறுபட்ட மென்பொருட்கள் குவிந்து காணப்படுகின்றன. அத்தகைய மென்பொருட்களை கணனியில் நிறுவாமல் USB Pendrive போன்றவற்றில் எடுத்துச்சென்று பயன்படுத்தக்கூடிய வகையில் பல மென்பொருட்கள் காணப்படுகின்றன. அந்த வகையில் காணப்படும் மென்பொருள்தான் இது.
Tiny USB Office எனப்படும் இந்த மென்பொருளானது கணனியில் நிறுவாமல் Portable Application ஆக எடுத்துச்சென்று பயன்படுத்தக்கூடிய வகையில் உருவாக்கப்பட்டுள்ளது. இந்த மென்பொருளானது பிரத்தியேகமாக அலுவலக பாவனைக்கு தேவையான அடிப்படை மென்பொருட்களை உள்ளடக்கியுள்ளது. இது ஒரு இலவச மென்பொருள் என்பதும் இங்கு குறிப்பிடத்தக்கதொரு விடயமாகும்.

இந்த மென்பொருள் கொண்டிருக்கும் அடங்கியுள்ள மென்பொருட்களின் பட்டியல்:
Database Creation – with CSVed

Data Encryption – with DScrypt
Email Client Software – with NPopUK
File Compression – with 100 Zipper
File Sharing – with HFS
File Transfer – with FTP Wanderer
Flowchart Creation – with EVE Vector Editor
MSN Messenger Client – with PixaMSN
Tree-Style Outliner Software – with Mempad
PDF Creation – with PDF Producer
Password Recovery – with XPass
Secure Deletion – with DSdel
Spreadsheet Creation – with Spread32
Text Editing – with TedNotepad
Word Processing – with Kpad
Program Launching – with Qsel

மிகவும் பயனுள்ளதொரு மென்பொருள்.
மென்பொருள் தரவிறக்க இணையச்சுட்டி:  Tiny USB Office
http://www.xtort.net/apps/tiny_usb_office.zip  

Thursday, May 27, 2010

Facebook இன் புதிய வரவு: குரல்வழி மற்றும் முகம்பார்த்து அரட்டை(Voice and Video chat)வசதி அறிமுகம்.


 அதிரடியாக வளர்ந்து வரும் சமூக வலைப்பின்னல் ஆகிய Facebook நீண்டகாலமாக பரீட்சார்த்த நிலையில் இருந்த குரல்வழி மற்றும் முகம்பார்த்து அரட்டை(Voice and Video chat) பண்ணும் தொழில்நுட்பத்தை அண்மையில் அறிமுகப்படுத்தியுள்ளது. இன்னமும் Beta நிலையிலுள்ளமை குறிப்பிடத்தக்கது.

FriendCam Video Chat  என்னும் பெயருடன்  அறிமுகப்படுத்தப்பட்டிருக்கும் இந்த மென்பொருளானது இணைய உலகில் Skype க்கு போட்டியாக அமைந்திருக்கின்றது. இருந்தபோதிலும் இந்த மென்பொருளானது சில அடிப்படை பிரச்சனைகளை இன்னும் நிவர்த்திசெய்யவில்லை. Beta நிலையிலுள்ளமையினால்  இது காலப்போக்கில் சரிவரும் என்று எதிர்பார்க்கப்படுகின்றது.
இணைப்பு:   http://apps.facebook.com/webcamfb/?t=g



Sunday, May 9, 2010

மெய்நிகர் விசைப்பலகை(Virtual Keyboard)- கூகிளின் புதியதொரு சேவை.

இணைய உலகில் பல்வேறு புரட்சிகளை ஏற்படுத்தி பல்வேறுபட்ட புதிய இணையவழி மென்பொருட்களை அறிமுகப்படுத்திவரும் கூகிளானது அண்மையில் புதியதொரு சேவையொன்றை  அறிமுகப்படுத்தியுள்ளது.
மெய்நிகர் விசைப்பலகை (Virtual Keyboard) என்ற புதியதொரு சேவையை தேடல் துறைக்கென அறிமுகப்படுத்தியுள்ளது. இதன் மூலம் உச்சரிப்பு(Phonetic) முறையில் தட்டச்சு செய்து தேடல்களை மேற்கொள்ளமுடியும்.
எவ்வாறு உச்சரிப்பு முறையில் தேடுவது?

முதலில் Google இணையத்தளத்துக்கு செல்லுங்கள். http://www.google.lk  அல்லது http://www.google.co.in .
தமிழ்மொழியை தெரிவுசெய்துகொள்ளுங்கள்.





பின்னர் தேடல்பெட்டிக்கு (SearchBox) அருகில் விசைப்பலகை அடையாளத்தை அழுத்துங்கள்.


அதில் தோன்றும் விசைப்பலகையில் Alt+Ctrl என்பதை அழுத்துங்கள். இனி விசைப்பலகையானது தமிழில் தோன்றும்.




இனி உங்கள் விருப்பபடி தட்டச்சு செய்து தேடிக்கொள்ளுங்கள்.

Saturday, May 8, 2010

கணணி குறித்த தகவல்களை பெற்றுக்கொள்ளவென சில பயனுள்ள Command Prompt கட்டளைகள்.

Command prompt என்பது கணனியில் மிகவும் பயனுள்ள ஒரு பகுதியாகும். இந்த Command prompt ஊடாக எமது கணணியை செயற்படுத்தமுடியும். இந்த Command prompt அன்னது எமக்கு மிகவும் பயனுள்ள தகவல்களை தரவல்லது. Command prompt இன் உதவியுடன் எமது கணணி குறித்த பல தகவல்களை பெற்றுகொள்ள முடியும். நாம் சில கட்டளைகளை  வழங்கினால் போதும் அவை குறித்த பல தகவல்களை நாம் பெற்றுக்கொள்ளமுடியும்.
அத்தகைய Command prompt இல் பயன்படுத்தி எமது கணனி குறித்த தகவல்களை பெற்றுக்கொள்ளவென சில கட்டளைகளை இங்கு தருகிறேன்.

முதலில் Command prompt ஐ திறந்து கொள்ளுங்கள்.
Command prompt ஐ திறந்துகொள்வதற்கான வழிமுறைகள் இதோ.
 Start-->>Accesories-->>Command prompt
அல்லது
Start-->>Run  இல் cmd என தட்டச்சு செய்து திறந்துகொள்ளுங்கள்.

கீழ்வரும் கட்டளைகளை தோன்றும் Command prompt இல் தட்டச்சு செய்து கணணி குறித்த தகவல்களை பெற்றுக்கொள்ளமுடியும்.

1.கட்டளை: systeminfo
கணனியின் Host Name மற்றும் இயங்குதளம் குறித்த தகவல்கள் போன்ற இன்னும் பல தகவல்களை பெற்றுக்கொள்ள முடியும்.

2. கட்டளை: driverquery 
கணனியின் இயக்கிகள்(Drivers) குறித்த தகவல்களை பெற்றுக்கொள்ளமுடியும்.

3. கட்டளை: subst W: C:\windows

4. கட்டளை: tasklist 
கணனியில் இயங்கிக்கொண்டிருக்கும் Programs குறித்த தகவல்களை பெறுக்கொள்ளமுடியும்.

5.கட்டளை: ipconfig /all
உங்கள் கணனியின் IP முகவரியினையும் மற்றும் வலையமைப்பு குறித்த தகவல்களையும் பெற்றுக்கொள்ளமுடியும்.

6. கட்டளை: net user
கணணி பயனாளர்கள்(User names) குறித்த தகவல்களை பெற்றுக்கொள்ளமுடியும்.